- Construídos
- 192 m²
- Parcela
- 215 m²
- Cuartos
- 3 + 1
- Baños
- 2 + 2 aseos
Superficies do proxecto visado (COAG, 23/10/2024); hoxe está feita a estrutura
A casa
Mercar casa en Vigo adoita obrigar a escoller: unha feita, cos acabados doutro, ou un soar e comezar de cero. Esta está a medio camiño. É unha vivenda en construción: a estrutura xa está levantada e o proxecto para rematala está visado polo Colexio de Arquitectos desde outubro de 2024.
Parcela de esquina de 232 m² en Navia, con rúa por dous lados. Tras ceder unha franxa ao Concello para o vial quedan 215 m², pero a edificabilidade calcúlase sobre os 232. O proxecto define unha casa de 192 m² construídos e uns 148 m² útiles: tres dormitorios, dous baños e dous aseos.
A casa repártese seguindo a pendente da parcela, que baixa cara ao sur. Na planta principal, o salón e a cociña con comedor, con saída a unha terraza cuberta e a un balcón, e xunto á cociña unha estancia de 8 m² para o uso que queiras. Abaixo, os tres dormitorios e os dous baños, un deles dentro do dormitorio principal. No soto, lavadoiro e tendal. E enriba, unha cuberta transitable con chan de madeira.
O que se merca hoxe é a parcela coa cimentación e a estrutura de formigón, piares e forxados. A obra está pendente de rematar conforme ao proxecto, que aproveita esa estrutura e a axusta á normativa actual: prevé retirar un tramo do forxado da primeira planta que quedaba demasiado preto do lindeiro e descarta a planta superior que prevía o proxecto orixinal.
O proxecto non escatima no que se nota cada inverno en Vigo. Calefacción e auga quente por aerotermia con chan radiante: a bomba de calor prevista ten un rendemento nominal de 4,7, é dicir, en ensaio dá 4,7 kWh de calor por cada kWh de luz que consome, sen gas nin gasóleo. Fachada ventilada de madeira termotratada, que deixa unha cámara de aire entre a chuvia e o muro. Carpintería de aluminio con rotura de ponte térmica en case todas as fiestras e chans de formigón pulido. O cálculo enerxético do proxecto estima unha demanda de calefacción de 22 kWh por m² ao ano.
Navia é un barrio en pleno crecemento. A Xunta ten en marcha máis de 900 vivendas públicas nos seus polígonos 1 e 2, con varios edificios xa en obras, e o polígono 3, xa proxectado, está pensado para unir Navia con Coia. A praia de Samil queda a pouco máis dun quilómetro en liña recta, uns 20 minutos andando.
É unha casa para quen quere vivir en Vigo preto do mar e prefire escoller como se remata, sen pagar os acabados doutro nin comezar dende un soar. Coa estrutura levantada e o proxecto definido, o que queda é rematala e decidir como a queres. Antes de calquera reserva dámosche por escrito toda a documentación da obra e do proxecto.
O que ten
- Parcela de esquina de 232 m² (215 m² tras a cesión para vial)
- Cimentación e estrutura de formigón feitas
- Proxecto de execución visado polo COAG (2024)
- 3 dormitorios, 2 baños (un no dormitorio principal) e 2 aseos, segundo proxecto
- Estancia de 8 m² xunto á cociña, de uso libre
- Terraza cuberta, balcón e cuberta transitable
- Aerotermia e chan radiante (segundo proxecto)
- Fachada ventilada de madeira termotratada
- Samil a uns 20 minutos andando
Datos legais
- Prezo total
- 290.000 €. Os impostos e gastos da compra págaos o comprador á parte.
- Certificado enerxético
- En trámite
- Localización
- Navia, Vigo. O enderezo exacto dáse ao concertar a visita. Ver a zona no mapa →